बैतडी- करेन्ट लागेर गम्भीर घाइते भएकी बैतडीकी कलवातीलाई  काठमाण्डौ लगिएको  छ । भदौ १८ गते  करेन्ट लागेर  घाइते भएकी जिल्लाको डिलाशैनी गाउँपालिका ६ की ४३ वर्षीया कलावती नाथलाई थप उपचारका लागि  काठमाडौंमा लगिएको  हो ।

भदौ १८ गते करेन्ट लागेर गम्भीर घाइते भएकी कलावतीलाई सोही दिन नेपाली सेनाको हेलिकप्टरमार्फत उद्धार गरि नेपालगञ्ज लगिएको थियो । नेपालगञ्जमा पनि उपचार सम्भव नभएपछि काठमाण्डौ रेफर गरिएको बैतडीका प्रहरी प्रवक्ता, प्रहरी निरीक्षक योेगेश खत्रीले जानकारी दिए ।  

अहिले उनको काठमाडौंको कीर्तिपुरमा रहेको वर्न हस्पिटलमा  उपचार भैरहेको र  अवस्था सुधारोन्मुख रहेको बताइएको  छ । भदौ १८ गते बिहान घाँस काटन गएकी नाथ विद्युतको हाइटेन्सनमा लाइनलाई छुदा करेन्ट लागेर गम्भीर घाइते भएकी थिइन् ।