बैतडी- बैतडीको  डिलाशैनीमा तीज विशेष कार्यक्रमको तयारी तिब्र पारिएको  छ । मठैराज सांस्कृतिक युवा क्लवको आयोजनामा भदौ ३१ गते देखि गाउँपालिकाको वडा नं ४ मठैराजमा हुने तीज विशेष सांस्कृतिक कार्यक्रमको तयारी तिब्र पारिएको  हो ।

हरितालिका तीजको अवसरमा आयोजना गरिएको सांस्कृतिक कार्यक्रमको तयारी तिब्र पारिएको  मठैराज साँस्कृतिक युवा क्लवका अध्यक्ष महेशराज पन्तले जानकारी दिए । स्थानीय कला संस्कृतिको  जर्गेना गर्ने  उदेश्यले २०७१ सालबाट निरन्तर जनचेतनामूलक  र सांस्कृतिक कार्यक्रम गर्दै आएको मठैराज साँस्कृतिक युवाक्लवले अहिले तीज विशेष कार्यक्रम धुमधाम संग मनाउने  तायरी गरेको उनले बताए ।

भदौ १४ गते बसेको  क्लवको बैठकले यो  वर्ष तिज विशेष  कार्यक्रम आयोजना गर्ने निर्णय गरको उनले बताए हरितालिका तिजको दिन भव्य सांस्कृतिक कार्यक्रम हुने उनको भनाई  छ ।  कार्यक्रममा मावि स्तरिय नृत्य प्रतियोगिता,जनचेतनामूलक सांगीतिक तथा सांस्कृतिक कार्यक्रम,मठैराज युवाक्लवको नृत्य,स्थानीय कलाकारको प्रस्तुति सहित छलिया, हुड्क्यौली , फाग, देउडा र ठाडो खेल खेलिने जनाइएको छ ।

  भदौ३१ र असोज १ गते मठैराज बरमपूरमा हुने  दुई दिवसिय सांस्कृतिक कार्यक्रममा उपस्थितिका लागि सबैलाई  आग्रह पनि गरिएको  छ ।