बैतडीमा मोटरसाइकल दुर्घटनामा परी दुईजना घाइते
बैतडी –बैतडीमा मोटरसाइकल दुर्घटनामा परी दुईजना घाइते भएका छन् । महाकाली राजमार्ग अन्तर्गत बैतडीको दोगडाकेदार गाउँपालिका–३ खोचलेक नजिक मोटरसाइकल दुर्घटनामा परेको हो ।
न्वालीबाट सिल्लेगडातफै आउँदै गरेको से३ प ९४९७ नम्बरको मोटरसाइकल खोचलेकस्थित सनातन धर्म मावि नजिकै मंगलबार राति साढे ९ बजेतिर दुर्घटनामा परेको हो ।
दुर्घटनामा परेर दशरथचन्द नगरपालिका ४ का चालक विकीराम भुल र सोही ठाउँका विनोद भुल घाइते भएका छन् । उनीहरु दुवैजनाको खुट्टामा चोट रहेको जिल्ला प्रहरी कार्यालय बैतडीका प्रवक्ता प्रहरी निरीक्षक योगेश खत्रीले बताए ।
घटनाका बिषयमा थप अनुसन्धान भइरहेको प्रहरीले जनाएको छ ।
प्रकाशित मिति: बुधबार, भदौ २७, २०८० ०६:१३
प्रतिक्रिया दिनुहोस्
थप बैतडी
साताको लोकप्रीय
