बैतडीका सुरेन्द्र साउँद भारतको दिल्लीमा अस्ताए
बैतडी–रोजगारीको सिलसिलामा भारतको दिल्लीमा रहेका बैतडीका एकजनाको मृत्यु भएको छ । जिल्लाको शिवनाथ गाउँपालिका –१ कुँड घर भएका अन्दाजी २८ बर्षीय सुरेन्द्र साउँदको मंगलबार निधन भएको उनका आफन्त समेत रहेका नेपाली कांग्रेस बैतडीका सहसचिव दशरथ चाडले बताए ।
गएको चार÷पाँच बर्षदेखि रोजगारीका लागि दिल्लीमा रहेका साउँदको हृदयघातका कारण निधन भएको चाडले बताए । परिवारसहित दिल्लीमा बस्दै आएका साउँदको मृत्यु भएपछि परिवारको विचल्ली भएको छ ।
मंगलबार एक्कासी ढलेका साउँदलाई अस्पताल पुर्याउँदा चिकित्सकले मृत घोषणा गरेका थिए । मृतक साउँदका एक छोरी र श्रीमति रहेका छन् । उनीहरु पनि दिल्लीमै रहेका बताइएको छ ।
प्रकाशित मिति: बुधबार, भदौ २७, २०८० ०९:३९
प्रतिक्रिया दिनुहोस्
थप बैतडी
साताको लोकप्रीय
