बैतडी- बैतडीमा जिप दुर्घटना भएको  छ । जिल्लाको  पाटन नगरपालिका–६ हिरापूर  मोडमा आइतबार विहान जिप दुर्घटना भएको हो।  धनगढीबाट दार्चुलाको मकरीगाड जाँदै गरेको म १ ज ३६० नम्बरको जिप दुर्घटनामा परेका जिल्ला प्रहरी कार्यालय बैतडीका प्रवक्ता प्रहरी निरीक्षक योगेश खत्रीले बताए ।

 जिप दुर्घटना हुँदा  सवार ४ जना घाइते भएका छन् । दार्चुलाको अपिहिमाल गाउँपालिका दार्चुलाका पुर्व उपाध्यक्ष उर्मिला बोहरा, उनका श्रीमान करबिरसिंह बोहरा अन्य २ यात्रुहरु सामान्य घाइते भएका हुन । यसैगरी शिक्षक ज्ञानेन्द्रसिंह कार्की र उनकै श्रीमतीलाई टाउकोमा चोट लागेको बताइएको छ ।

जिप  ७जना यात्रु बोकेर शनिवार  साझँ धनगढीबाट हिंडेको थियो । प्रहरीका अनुसार ब्रेक फेल भएर जिप सडक पेटिमा ठोकिएको  थियो । जिप सडक पेटीमा रोकिएका कारण  मानवीय क्षति हुनबाट जोगिएको छ ।