बैतडीमा भिरबाट लडेर एक जना गम्भीर
बैतडी- बैतडीमा भिरबाट लडेर एक जना पुरुष गम्भीर घाइते भएका छन् । जिल्लाको सिगास गाउँपालिका २ कोटिलाका ५० वर्षीय हिरा धामी बुधवार साँझ भिरबाट लडे गम्भीर घाइते भएका हुन् ।
परिवार स्रोतका अनुसार हिरा वडा नम्बर- २ कै खोल्टेबाट घर फर्किरहेका बेला साँझ गाजरी–धौलाडी भित्री सडकबाट लडेका थिए। लडेर घाइते भएका उनको टाउको, घाँटी र घुँडामा चोट लागेको बताइएको छ ।
भिरबाट लडेर गम्भीर भएका उनलाई उपचारको लागि धनगढी लगिएको पारिवारिक स्रोतले जनाएको छ ।
प्रकाशित मिति: बिहीबार, कात्तिक ९, २०८० ०८:२२
प्रतिक्रिया दिनुहोस्
थप बैतडी
साताको लोकप्रिय
