बैतडी –बैतडीमा भिरबाट लडेर एक महिलाको मृत्यु भएको छ । जिल्लाको डिलाशैनी गाउँपालिका ४ फलेडी बस्ने अन्दाजी २७ बर्षीय गोमा नेगीको खर काट्ने क्रममा भिरबाट लडेर मृत्यु भएको प्रहरीले जनाएको छ । 

जिल्लाको पुर्चौंडी नगरपालिका १ कोपीखेतमा आफ्ना आफन्त जानकी धानुकको घरायसी काममा सघाउन गएकी गोमा  खर काट्ने क्रममा भिरबाट लडेर बुधबार दिउँसो गम्भीर घाइते भएकी थिइन् । 

गोमालाई थप उपचारका लागि धनगढी लैजाने क्रममा बुधबार राति बाटोमै मृत्यु भएको जिल्ला प्रहरी कार्यालय बैतडीका प्रवक्ता प्रहरी निरीक्षक योगेश खत्रीले बताए । मृतक गोमाको शव पोष्टमार्टमका लागि डडेल्धुरा अस्पतालमा राखिएको छ । घटनाका बिषयमा थप अनुसन्धान भइरहेको प्रहरीले जनाएको छ ।