भूकम्प प्रभावित क्षेत्रमा सुदूरपश्चिम सरकारले स्वास्थ्यकर्मीको टोली पठायो, एक करोड राहत कोषमा जमा
बैतडी –कर्णाली प्रदेशका भूकम्प पीडितहरुलाई सहयोग गर्नका लागि सुदूरपश्चिम सरकारले २० जना स्वास्थ्यकर्मीको टोली पठाएको छ । शनिबार बिहान बसेको मन्त्रिपरिषद्को बैठकको निर्णय अनुसार भूकम्प प्रभावित क्षेत्रमा औषधीसहित स्वास्थ्यकर्मीको टोली पठाएको प्रदेशका आन्तरिक मामिला तथा कानुन मन्त्री शिवराज भट्टले जानकारी दिए ।
यस्तै मन्त्रिपरिषद्को निर्णय अनुसार भूकम्प प्रभावितहरुको सहयोगका लागि सरकारी राहत कोषमा प्रदेश सरकारकातर्फबाट १ करोड रकम समेत जमा गरिएको मन्त्री भट्टले जानकारी दिए ।
विपद्को समयमा प्रदेश सरकार कर्णाली प्रदेशसरकारसंगै रहेको प्रतिबद्धता व्यक्त गर्दै थप सहयोग समेत उपलब्ध गराइने मन्त्री भट्टले बताए । भूकम्प प्रभावितहरुको राहत र उद्धारका लागि अन्य संघसंस्था तथा निकायहरुलाई समेत सहयोग गर्न उनले आग्रह समेत गरेका छन् ।
प्रकाशित मिति: आइतबार, कात्तिक १९, २०८० ०७:३४
प्रतिक्रिया दिनुहोस्
थप बैतडी
साताको लोकप्रिय
