बैतडीमा ९ लाख बराबरको भन्सार छलीको सामान बरामद
बैतडी- बैतडीमा भन्सार छलीका सामान बरामद गरिएको छ । नेपाल प्रहरी र सशस्त्र प्रहरी बलले जिल्लाको दशरथचन्द नगरपालिका ४ छेलाबाट ८ लाख ९७ हजार ७५० मूल्य बराबरको भन्सार छलीको सामान बरामद गरेको हो ।
बिहीवार करिब ९ लाख मुल्य बराबरका रेडिमेड कपडा, साडी सूटबेल्ट, ज्याकेट, थान कपडा बरामद गरिएको जिल्ला प्रहरी कार्यालय बैतडीका प्रहरी निरीक्षक खेमविक्रम केसिले जानकरी दिए ।
भन्सार छलीको सामान वेवारिसे अवस्थामा फेला परेको उनले बताए । बरामद गरिएको सामान महाकाली भन्सार कार्यालय झुलाघाटमा बुझाइएको पनि प्रहरी निरीक्षक केसिले बताए ।
प्रकाशित मिति: बिहीबार, कात्तिक २३, २०८० १३:२३
प्रतिक्रिया दिनुहोस्
साताको लोकप्रिय
