बैतडी–नेपाल कम्युनिष्ट पार्टी नेकपा एमाले बैतडीले अधिवेशनका लागि प्रतिनिधि छनोट गरेको छ । नबौँ जिल्ला अधिवेशनका लागि शनिबार एमाले बैतडीले १० ओटै पालिकाबाट प्रतिनिधि छनोट गरेको हो । अधिवेशनका लागि सबै पालिकाबाट सर्वसम्मत प्रतिनिधि छनोट भएका एमाले बैतडी प्रचार तथा प्रकाशन विभाग प्रमुख लोकबहादुर भण्डारीले जानकारी दिए ।
अधिवेशनका लागि सबै वडाबाट ६ सय बढी प्रतिनिधि छनोट भएका उनले बताए । ७५ संगठित सदस्य बराबर एक महिलासहित तीन जना प्रतिनिधि छनोट भएका र दलित संगठित सदस्यबाट ४० जना बराबर एक महिलासहित तीन जना प्रतिनिधि छनोट भएका बताइएको छ।
प्रतिनिधि छनोटसँगै बैतडीमा एमाले अधिवेशनको सरगर्मी बढेको छ। आगामी नेतृत्वका लागि नेता आन्तरिक तयारीमा जुटिरहेका र अधिवेशन सफल पार्नका लागि अन्य तयारीसमेत तीव्र पारिएको जनाएको छ ।
अधिवेशनबाट नेतृत्व लिनका लागि नेताले तयारी थालिसकेका छन् । यहि फागुन २८ र २९ गते हुने अधिवेशनको तयारी तीव्र पारिएको प्रचार तथा प्रकाशन विभाग प्रमुख भण्डारीले बताए । अधिवशेनबाट सर्वसम्मत नेतृत्व चयन हुने एमाले बैतडीले जनाएको छ ।
