कञ्चनपुरमा एक युवक मृत फेला
कञ्चनपुर –कञ्चनपुरमा एक युवक मृत फेला परेका छन् । जिल्लाको लालझाडी गाउँपालिका–४ सिलकट्टी जाई शिविरका ३५ वर्षीय युवक रामरेसर राना मृत फेला परेका हुन् ।
राना घर नजिकै मोटरघाट सडक छेउमै मृत फेला परेका प्रहरीले जनाएको छ । जिल्ला प्रहरी कार्यालय कञ्चनपुरका प्रहरी निरीक्षक झलक शर्माले साइकलसहित राना मृत भेटिएका बताए ।
मृतक रानाको निधारमा घाउ भएकाले कसैले कुटपिट वा हत्या गरेको भन्दै परिवारले निष्पक्ष छानबीनको माग अघि सारेका छन् ।
राना मंगलबार साँझ खाना खाएर घरबाट साइकलसहित निस्किएका थिए ।
प्रकाशित मिति: बुधबार, वैशाख १७, २०८२ १३:२४
प्रतिक्रिया दिनुहोस्
साताको लोकप्रिय
