बैतडी- बैतडीको सुर्नया गाउँपालिका वडा नं २ मा राप्रपाले अग्रता लिएको छ । सय मत गणना हुँदा अध्यक्ष पदमा वडा नं २ मा राप्रपाले ४२, स्वतन्त्रले २५, माओवादी केन्द्रले १४ र नेपाली कांग्रेसले ८ मत प्राप्त गरेको छ । अहिले सुर्नया गाउँपालिकाको वडा नं २ र ८ को मतगणना भइरहेको छ ।
सुर्नया गाउँपालिका वडा नं २ मा एमाले र राप्रपा गठबन्धन गरेर चुनावमा होमिएका थिए । यस्तै माओवादी र एकीकृत समाजवादी पनि गठबन्धन गरेर चुनावमा गएको थियो । यो वडामा काँग्रेस एक्लै चुनाव लडेको छ ।
यो वडा पूर्व प्रधानमन्त्री लोकेन्द्र बहादुर चन्दको वडा पनि हो । यस अघि ७४ को चुनावमा यो वडामा राप्रपाले जितेको थियो ।
प्रकाशित मिति: शनिबार, वैशाख ३१, २०७९ ११:३१
प्रतिक्रिया दिनुहोस्