बैतडीको मेलौली ५ मा कांग्रेस र ६ माओवादी केन्द्र विजयी
बैतडी —बैतडीको मेलौली नगरपालिका वडा नं ५ मा नेपाली कांग्रेसका भरतसिंह पुजारा विजयी भएका छन् । ४३१ मत ल्याएर उनी वडा अध्यक्षमा विजयी भएका हुन् । उनका निकटतम् प्रतिद्वन्दी एमालेका बलभद्र दयालले ४०३ मत ल्याए ।
दयाल गएको स्थानीय तहको निर्वाचनमा सोही वडाबाट वडा अध्यक्षमा निर्वाचित भएका थिए ।
यस्तै मेलौली नगरपालिका वडा नं ६ मा माओवादी केन्द्रका तारादत्त भट्ट विजयी भएका छन् । मेयरमा भने एमालेका जगदीशसिंह नायक र माओवादीका भीमबहादुर चन्दबीच प्रतिस्पर्धा रहेको छ ।
प्रकाशित मिति: सोमबार, जेठ २, २०७९ ०६:३४
प्रतिक्रिया दिनुहोस्
थप बैतडी
साताको लोकप्रिय
