बैतडीको पुर्चौंडीमा नवनिर्वाचित जनप्रतिनिधिहरुलाई प्रमाण–पत्र प्रदान
बैतडी –बैतडीको पुर्चौंडी नगरपालिकाका नवनिर्वाचित जनप्रतिनिधिहरुलाई प्रमाण पत्र प्रदान गरिएको छ । बुधबार अन्तिम मत परिणाम आएसंगै जनप्रतिनिधिहरुलाई निर्वाचित भएको प्रमाणपत्र प्रदान गरिएको निर्वाचन अधिकृतको कार्यालय पुर्चौंडीले जनाएको छ ।
नगरपालिकाका नवनिर्वाचित मेयर, उपमेयर, वडा अध्यक्ष र सभाषदहरुलाई प्रमाण पत्र प्रदान गरिएको बताइएको छ । पुर्चौंडी नगरपालिकामा मेयर, उपमेयर, वडा अध्यक्ष र सदस्यहरु गरेर ५२ जना निर्वाचित भएका छन् ।
नगरपालिकाको प्रमुखमा नेपाली कांग्रेसका दीपकबहादुर बम, उपप्रमुखमा नेपाली कांग्रेसका मीना धानुक विजयी भएका छन् । यस्तै १० वडा मध्ये पुर्चौंडीका ५ वडामा नेपाली कांग्रेस, ४ वडामा नेकपा एमाले र एक वडामा माओवादी केन्द्रले जित हात पारेको छ ।
प्रकाशित मिति: बिहीबार, जेठ ५, २०७९ १७:३२
प्रतिक्रिया दिनुहोस्
साताको लोकप्रीय
