बैतडी-बैतडीको  पाटन नगरपालिकाले कोदाको बिउ  वितरण गरेको  छ । नगरपालिकाको कृषि शाखाले  कोदाको  बिउ वितरण गरेको हो । आज  वडा नं  ८ , ९ र  १० बिउ वितरण गरिएको  वडा न.  ८ का वडा अध्यक्ष हरिश विष्टले जानकारी  दिए ।

उनका अनुसार र तीन वटै   वडाका १८ जना किसानहरुलाइ कोदाको  बिउ  वितरण गरिएको  छ ।  कोदो खेति विस्तार गर्ने  उदेश्यले  बिउ वितरण गरिएको  नगरपालिकाले  जनाएको  छ ।

कोदो नेपालको चौथो मुख्य बाली हो । कोदोलाई पहाडी क्षेत्रको मकैपछिको दोस्रो मुख्य बालीका रुपमा लिइन्छ । यसको खेती कम मलिलो तथा सुख्खा जग्गामा गर्न सकिने  कृषि प्राविधिकहरुको  भनाइ  छ ।

पौष्टिक अन्नको रुपमा रहेको कोदो लोप हुँदै  गएको  अवस्थामा  नगरपालिकाले बिउ नै  वितरण गरेर किसानहरुलाइ वितरण गर्दा  रैथाने बाली  प्रति किसानहरुको  आकर्षण बढ्ने  अपेक्षा गरिएको छ ।