बैतडी- मौसममा आएको परिवर्तनसंगै बैतडीका गाउँ गाउँमा भाइरल ज्वरो र रुघा खोकीका बिरामी बढेका छन् । मौसममा आएको परिवर्तनले अहिले जिल्ला भित्रका सबै ठाउँमा भाइरल ज्वरोका बिरामी बढेका हुन् ।
अहिले गाउँ गाउँमा भाइरल ज्वरोका बिरामी रहेका पुर्चौडीका स्थानीय पुरन सिंह ऐर जानकारी दिए । यस्तै जिल्ला अस्पतालमा पनि उपचारका लागि आउनेमा भाइरल ज्वरो देखिने गरेको छ ।
जिल्ला अस्पतालमा दैनिक बिरामी उपचारका लागि आइराखेका र ती मध्ये अधिकाँशमा भारल ज्वरोको संक्रमण देखिने गरेको जिल्ला अस्पतालका सूचना अधिकारी हरिश पन्तले बताए । साथै डेंगु स्क्रब टाइफसका समेत बिरामी फेला पर्ने गरेका उनले बताए ।
जिल्लाको तल्लोसोराड क्षेत्रमा पनि रुखाखोकी बिरामी बढेक छन् । अहिले मौसम परिवर्तनका कारण रुघाखोकीका बिरामी बढेका केशरपुर प्राथमिक स्वास्थ्य केन्द्रका जनस्वास्थ्य निरीक्षक मुकेशकान्त दयालले बताए ।
बिरामीहरुमा ज्वरो बढ्ने र रोकिने,चिसो महसुस हुने हल्का खोकी लाग्नने घाँटी दुख्ने, हाँच्छिऊ आउने , नाकबाट पानी आउने टाउको, शरीर तथा हाडजोर्नी दुख्ने लक्षण रहेका बताइएको छ ।
मौसममा आएको परिवर्तनका कारण भाइरल ज्वरोको संक्रमण बढेकोले शुद्धीकरण गरेर मात्रै प्रयोग गर्न, न्यानो लुगा लगाउन स्वास्थ्यकर्मीहरुको सुझाव दिएका छन् ।
बैतडीमा केहि दिन देखि चिसो बढेको छ । चिसोको समयमा बालबालिका , वृद्धवृद्धाहरुलाई बढी समस्या हुनेगरेकाले स्वास्थ्यको ख्याल राख्न स्वास्थ्यकर्मीहरुले आग्रह समेत गरेका छन् ।
