बैतडी- रेडियो निङ्गलाशैनीको देउसी भैलो कार्यक्रम आज दशरथचन्द नगरपालिकामा खेलिदैछ । आइतबार बैतडीको सुर्नया गाउँपालिकाबाट सुरु भएको देउसी भैलो कार्यक्रम आज दशरथचन्द नगरपालिकामा गरिने रेडियो निङ्गलाशैनीका प्रबन्ध निर्देशक महेश अवस्थीले बताए ।
मंगलबार दोगडाकेदार गाउँपालिकामा देउसी कार्यक्रम गरिएको थियो । सो कार्यक्रममा गाउँपालिकाका जनप्रतिनिधिहरुको सभागिता रहेको थियो । देउसी भेलौ कार्यक्रममा सहभागि भएका जनप्रतिनिधिहरु र सुरक्षाकर्मीहरुलाई मायाको चिनो प्रदान गरिएको हो ।
आधुनिक प्रविधिको विकाससंगै पछिल्लो समय विभिन्न संस्कृतिहरु हराउदै गएका बेला रेडियो निङ्गलाशैनी संस्कृति संरक्षणमा जुट्नु राम्रो पक्ष रहेको जनप्रतिनिधिहरुको भनाई छ । अगामि दिनमा पनि यस्ता कार्यक्रमको निरन्तरता दिन रेडियो परिवारलाई आग्रह गरिएको छ ।
आज सदरमुकाममा रेडियो निङ्गलाशैनीले आयोजना गर्ने देउसी भैलो कार्यक्रममा सहभागिताका लागि सबैलाई आग्रह समेत गरिएको छ । आज दशरथचन्द नगरपालिकामा खेलेर देउसी भैलो कार्यक्रम सम्पन्न हुने छ ।
