लागू औषध सहित बैतडीका तीनजना युवा कञ्चनपुरमा पक्राउ
बैतडी –कञ्चनपुरको बेलौरी नगरपालिका–६ स्थित महाकाली माध्यमिक विद्यालयको अगाडिबाट प्रहरीले अवैध लागूऔषध खैरो हेरोइनसहित बैतडीका तीन जना युवालाई पक्राउ गरेको छ ।
शनिबार राति इलाका प्रहरी कार्यालय बेलौरीका प्रहरी निरीक्षक दानसिंह भण्डारीको कमाण्डमा खटिएको गस्ती टोलिले ५४ दशमलव ८ ग्राम खैरोहेरोइनसहित तीन जनालाई पक्राउ गरेको हो ।
पक्राउ पर्नेमा बैतडीको पाटन नगरपालिका–६ बस्ने २७ वर्षीय गजेन्द्र चन्द, सोही ठाउँका ३३ वर्षीय रमेशसिंह भण्डारी र ४० वर्षीय प्रकाश भण्डारी रहेको प्रहरीले जनाएको छ ।
उनीहरु लागूऔषध खरिद गर्नका लागि सु.प.प्र.०१–००१ज १२८२ नम्बरको जिप सहित बेलौरी पुगेका खुलेको छ ।
पक्राउ परेका तीनै जनामाथि अनुसन्धान भइरहेको प्रहरीले जनाएको छ ।
प्रकाशित मिति: आइतबार, कात्तिक १३, २०७९ १०:५८
प्रतिक्रिया दिनुहोस्
साताको लोकप्रिय
