बैतडी- नेकपा एमाले बैतडीका जिल्ला सल्लाहकार समिति संयोजक राज बहादुर भण्डारीले पार्टी परित्यागको घोषणा गरेका छन् ।
उनले एक पत्र जारी गरेर पार्टी परित्याग गरेको घोषणा गरेका हुन् । बिहीबार एक पत्र जारी गर्दै संयोजक भण्डारीले एमालेको साधारण सदस्य समेत नरहने गरि पार्टी परित्याग गरेको घोषणा गरेका छन् ।
एमालेमा बसे आफ्नो राजनितीक भविष्य अन्धकार हुने भन्दै पार्टी परित्याग गर्ने निर्णयमा पुगेको उनले पत्रमा लेखेका छन् । आसन्न प्रतिनिधि र प्रदेश सभा निर्वाचनका लागि टिकट वितरण गर्दा योगदान , क्षमता, योग्यता नहेरी गुटगत हिसाबले वितरण गरिएको पनि उनले पत्रमा उल्लेख गरेका छन् ।
२०५५ सादेखि नेकपा एमालेमा आवद्ध भण्डारी पार्टीका विभिन्न जिम्मेवारीमा रहेर काम गरेका व्यत्ति हुन् । पाटन नगरपालिका घर भएका भण्डारीले १० वर्ष वडा कमिटिमा रहेर काम गरेका थिए भने ४ वर्ष एमालेको पाटन नगर कमिटि अध्यक्ष भएर काम गरेका थिए ।
