बैतडी- नेकपा एमालेका अध्यक्ष केपी शर्मा ओली बैतडी आउँदैछन् । एमाले जिल्ला कमिटि बैतडीको आयोजनामा पाटनमा हुने विशाल चुनावी आमसभालाई सम्बोधन गर्न अध्यक्ष ओली आज बैतडी आउन लागेका हुन् । अध्यक्ष ओली आउने भएपछि पाटन बजार र चुनावी आमसभा स्थल पाटनको खुल्ला मञ्च सिंगारिएको छ ।
पाटनमा आयोजना हुने विशाल आमसभाका लागि सबै तयारीहरु पुरा भइसकेको एमाले बैतडीले जनाएको छ । प्रतिनिधि तथा प्रदेश सभा निर्वाचनलाई लक्षित गरेर राखिएको चुनावी आमसभालाई ओलीले सम्बोधन गर्ने बताइएको छ । चुनावी देश दौडाहको सुरुवात गर्न ओली सुदूरपश्चिम पुगेका छन् ।
आज उनि दार्चुलामा हुने कार्यक्रमलाई सम्बोधन गर्ने र त्यसपछि दिउँसो पाटन आउने बताइएको छ । बैतडीबाट प्रतिनिधिसभामा पूर्व अर्थराज्य मन्त्री समेत रहेका दामोदर भण्डारी प्रनिनिधिसभा सदस्यको उम्मेदवार रहेकाछन् । उनी तेस्रो पटक चुनाव लड्दै छन् ।
यस्तै प्रदेशसभा (क)मा पार्टी जिल्ला अध्यक्ष सुरेन्द्र पाल उम्मेदवार छन् भने क्षेत्र नं (ख)मा पार्टी केन्द्रीय सदस्य लिलाधर भट्ट उम्मेदवार रहेकाछन् । यसैगरी एमाले बैतडीबाट समानुपातिक तर्फ प्रदेशसभामा जानकी ऐर बम र भरत मडै उम्मेदवार रहेकाछन् ।
