बैतडी- प्रधानमन्त्री एवं नेपाली काँग्रेसका सभापति शेर बहादुर देउवाले गठबन्धन जिते दार्चुलाले मन्त्री पाउने बताएका छन् । दार्चुलाको गोकुलेश्वरमा लोकतान्त्रीक बाम गठबन्धनको चुनावी सभालाई सम्बोधन गर्दै उनले यस्तो बताएका हुन् ।
गठबन्धन आजको आवश्यकता भएको भन्दै उनले गठबन्धनले जिते दार्चुलाले मन्त्री पाउने बताएका हुन् । यस्तै देउवाले मिचिएको भूमी कुटनीतिक पहल बाट फिर्ताहुने बताएका छन् । केपी ओलीले आफैले नक्सा पास गरेको भनेर झुटा बोलिरेहकाले सबैदल एक ठाउँमा उभिएर नक्सा पास भएको उनले स्पष्ट पारेका छन् । केपी ओली तिर संकेत गर्दै देउवाले दार्चुलामा आएर बोल्दा भूमी पिर्ता नहुने भन्दै यसका लागि भारत संग संवाद गर्नु पर्ने बताए ।
यस्तै उनले महाकाली करिडोर , पञ्चेश्वर परियोजनाको काम पनि अगाडी बढाइने बताएका छन । साथै प्रधानमन्त्री देउवाले दार्चुला जटिबुटीका लागि हव बन्ने भन्दै प्रशोधन केन्द्र सञ्चालनमा ल्याएर यो ठाउँको विकास समृद्धि गरिने बताए ।
