बैतडी - प्रधानमन्त्री देउवाले झुलाघाटमा मोटरेबल पुल बनाउने ठोकुवा गरेका छन् । बैतडीको पाटन खुल्ला मञ्चमा लोकतान्त्रीक बाम गठबन्धनको चुनावी सभालाई सम्बोधन गर्दै काँग्रेस सभापति समेत रहेका प्रधानमन्त्री देउवाले भारत संग पहल गरेर झुलाघाटमा मोटरेबल पुल जसरि पनि बनाउने ठोकुवा गरेका हुन् ।
भारतीय समकक्षी संग कुरा गरेर झुलाघाटमा पुल बनाएरै छोड्ने उनले बैतडी बासीलाई विश्वास दिलाएका हुन् । यस्तै उनले पाटन नमूना सहरकाको काम अगाडी बढाइने र यहाँका धार्मीक पर्यटकिय स्थलहरुको विकास गरिने बताए ।
पश्चिम सेति परियोजना लगायतका यहाँको विकास र समृद्धि संग जोडिएका योजनाहरु अगाडी बढाएर विकास गरिने उनको भनाई थियो । यस्तै उनले बैतडीका बागीहरुलाइ उम्मेदवारी फिर्ता लिन अपिल गरेका छन् ।
संविधानको रक्षाका लागि भएको गठबन्धन विरुद्ध गएर बागी बन्नु अत्यन्त दुख भएको भन्दै देउवाले उम्मेदवारी फिर्ताको लागि अपिल गरेका हुन् । उम्मेदवारी फिर्ता लिएर गठबन्धनलाई सघाउनु पर्ने उनको आग्रह थियो ।
