बैतडी- बैतडी र दार्चुलामा लोकतान्त्रीक बामगठबन्धनले आयोजना गरेको चुनावी आम सभामा एकीकृत समाजवादीका अध्यक्ष माधव कुमार नेपाल आएका छैनन्। उनि कार्य व्यस्तताले कार्यक्रममा आउन नपाएका बताइएको छ ।
चुनावी आम सभालाई तीनै र्शीष नेताले सम्बोधन गर्ने कार्यक्रम रहेको भएपनि प्रधानमन्त्री शेर बहादुर देउवा र माओवादी अध्यक्ष पुष्पकमल दाहाल प्रचण्डले मात्रै सम्बोधन गरेर गएका छन् ।
बैतडीका गठबन्धन नेताहरुका अनुसार नेपाल कार्य व्यस्तताले बैतडी र दार्चुलाको कार्यक्रममा आउन नपाएका हुन् । गठबन्धनलाई चुनाव जिताउने माहोल तताउन आएका देउवा र प्रचण्डले सूदूरपश्चिमलाई अब प्राथमिकतामा रखोर विकास हुने दाबी गरेका छन् ।
पछाडि परेका यहाँका क्षेत्रहरुको विकास गरिने उनिहरुको भनाई थियो । यहाँका लागि प्रथमिकताका साथ बजेट विनियोजन गरेर विकास गरिने उनिहरुले जनतालाई आश्वासन दिएर गएका छन् ।
