बैतडी- निर्वाचनलाई ध्यानमा राखेर भारतसंग जोडिएका बैतडीका सीमा नाकाहरु तीन दिन  बन्द हुने भएका छन् । प्रतिनिधि र  प्रदेश सभा निर्वाचनलाई स्वतन्त्र, निष्पक्ष, शान्तिपूर्ण एवं भयरहित बतावरणमा सम्पन्न  गर्नका लागि मंसिर १ गते राती  १२ बजे  देखी सीमा नाका तीन दिन बन्द  हुने जिल्ला प्रशासन कार्यालय बैतडीले  जनाएको  छ ।

प्रशासनले एक सूचना जारी  गरेर मंसिर १ गते राती १२ बजे देखि मंसिर ४ गते राती  १२ बजे सम्म  सीमानाका  बन्द हुने जनाएको  छ । अन्तर्राष्ट्रिय नियम अनुसार नै चुनावको समयमा सीमा नाका बन्द गर्ने गरिएको प्रशासन कार्यालयका सूचना अधिकारी खगेन्द्र भारतीले बताए ।

झुलाघाट नाका , जिल्लाको पञ्चेश्वर गाउँपालिका र शिवनाथ गाउँपालिका भित्र रहेका  घाटहरुबाट चुनावको अवधिमा पूर्ण रुपमा आवतजावत बन्द गरिने उनले बताए । यो बिषयमा भारतीय अधिकारीहरुसंग समेत समन्वय भईसकेको बताइएको  छ ।