बैतडी- मालपोत कार्यालय बैतडीका सेवा स्थगन भएका छन् । कार्यालयका कर्मचारी आम चुनावमा खटिएपछि केहि दिनका लागि सेवा स्थगन भएका हुन् ।

कर्मचारी मंसिर ४ मा हुने  प्रतिनिधि र प्रदेश सभा निर्वाचनका लागि मतदान केन्द्रमा खटिए पछि सेवा प्रवाह स्थगन भएको मालपोत कार्यालय बैतडीले  जनाएको छ ।

जनशक्ति अभावका कारण कार्यालयका सेवा स्थगन भएका मालपोत कार्यालय बैतडीका प्रमुख कमलापति भट्टले बताए । कार्यालयले अर्काे सूचना प्रकाशन नहुँदा सम्मका लागि सेवा बन्द भएको  सूचना मार्फत जनाएको छ ।

मंगबलार जारी सूचनामा कार्तिक ३० गते  देखि  कर्मचारी अभावमा कार्यालयका अत्यावश्यक बाँहेकका सेवा स्थगन भएका जनाएको हो । यस्तै कर्मचारी चुनावमा खटिएपछि  जिल्ला प्रशासन कार्यालय बैतडीका सेवा पनि बन्द छन् ।