दार्चुलाको छाङरु र तिंकरको मतदान सदरमुकाममा

सगुन खबर शुक्रबार, मंसिर २, २०७९

दार्चुलाको छाङरु र तिंकरको मतदान सदरमुकाममा

दार्चुला- दार्चुलाको व्यास गाउँपालिकास्थित छाङरु र तिंकरको मतदान सदरमुकाम खलंगामै हुने भएको छ। व्यासका बासिन्दा चिसोको समयमा खलंगा झर्ने भएकाले मतदान सदरमुकाममै गराउन लागिएको हो।

वडा कार्यालयको सिफारिसका आधारमा मुख्य निर्वाचन अधिकृतको कार्यालयले निर्वाचन आयोगबाट अनुमति मागेर सर्वदलीय सहमतिमा दुवै गाउँको मतदान केन्द्र खलङ्गामै कायम गरिएको उनको भनाई छ ।

छाङरुको मतदान केन्द्रमा ३८३ र तिंकरको केन्द्रमा २३४ जना मतदाता छन्। तिंकरका मतदाताले सदरमुकाम खलंगाको बंगाबगरमा रहेको मोती महिला संघ आधारभूत विद्यालयमा र छाङरुका मतदाताले कैलाशपति आधारभूत विद्यालयमा मतदान गर्ने प्रमुख जिल्ला अधिकारी उपाध्यायले जानकारी दिए।

प्रकाशित मिति: शुक्रबार, मंसिर २, २०७९ १६:०४