बैतडी- बैतडीको एक मतदान केन्द्रमा सबै अपाङगता भएका कर्मचारी छन् । जिल्लाको दशरथचन्द नगरपालिका ८ को त्रिपुरा सुन्दरी स्वास्थ्य चौकीमा रहेको मतदान केन्द्रमा सबै अपाङगता भएका कर्मचारीहरु खटिएका हुन् ।

मतदान अधिकृत , सहायक  मतदान अधिकृतसहित सबै अपाङगता भएका कर्मचारीहरु खटिएका बैतडीका सहायक निर्वाचन अधिकारी  तिर्थ राज आचार्यले बताए । उनिहरुको अवस्थालाई हेरेर सतर्कता अपनाइएको र कुनै समस्या आए अन्य कर्मचारीहरु खटाइने मुख्य निर्वाचन अधिकृतको कार्यालयले जनाएको छ ।

आफुहरुको मागका आधारमा मुख्य निर्वाचन अधिकृतको  कार्यालयले जिम्मेवारी प्रदान गरेको र निर्वाचन गर्न आफुहरु सक्षम रहेका खटिएका कर्मचारीहरुको  भनाई  छ । यो मतदान केन्द्रमा ८ सय ७ मतदाता रहेका छन ।  

१ लाख ५० हजार  १ सय ५६ मतदाता रहेको बैतडीमा   २ सय १० ओटा मतदान केन्द्रहरु छन् भने एक अस्थायी  मतदान केन्द्र रहेको छ ।