बैतडी –बैतडी प्रदेश सभा क्षेत्र नम्बर (क)मा निर्वाचित नेकपा एमालेका सुरेन्द्र पालले निर्वाचित भएको प्रमाण ग्रहण गरेका छन् । मुख्य निर्वाचन अधिकृतको कार्यालयले पाललाई निर्वाचित भएको प्रमाण पत्र प्रदान गरेको हो ।
मुख्य निर्वाचन अधिकृत जयानन्द पनेरुले प्रदेश सभा सदस्यमा निर्वाचित पाललाई निर्वाचित भएको प्रमाणपत्र प्रदान गरेका हुन् । गएको आइतबार सम्पन्न भएको प्रतिनिधि तथा प्रदेश सभा निर्वाचन अन्तर्गत पाल बैतडी क्षेत्र नम्बर (क)बाट प्रदेश सभा सदस्यमा निर्वाचित भएका हुन् ।
स्वतन्त्र उम्मेदवार हरिमोहन भण्डारीलाई पछि पार्दै पालले जित हाँसिल गरेका हुन् । पालले १२ हजार ८३१ मत प्राप्त गरे भने स्वतन्त्र उम्मेदवार हरिमोहन भण्डारीले ११ हजार १८ मत प्राप्त गरे ।
नेपाली कांग्रेसका बिरबहादुर बिष्टले १० हजार ९५३ मत प्राप्त गरे । यो क्षेत्रमा ४० हजार १५५ मत खसेको थियो ।
