बैतडी- बैतडीको सिगास माविले ५७ औँ वार्षिकोत्सव मनाएको छ । ५७ बसन्त पारगरि ५८ औँ वर्षमा प्रवेश गरेको सुखद उपलक्ष्यमा आज जिल्लाको पाटन नगरपालिका वडा नं ३ स्थित सिगास मावि गौरिशङ्कर पोखरीले विभिन्न कार्यक्रम गरि ५७ औँ वार्षिकोत्सव मनाएको हो ।
वार्षिकोत्सव कार्यक्रममा विद्यालयका प्रधानाध्यापक धनि दत्त पन्तले १ करोड ८३ लाख ८१ हजार ४सय ८२ बराबरको आयव्य प्रस्तु गरेका छन् । यस्तै विद्यालयले पढाइमा उत्कृष्ट विद्यार्थीहरुलाई पुरस्कार प्रदान गरेको छ ।
साथै विद्यालयको विकासका लागि योगदान पु¥याएका भूतपूर्व विद्यालय व्यवस्थापन समिति पदाधिकारी, अभिभावक , शिक्षक कर्मचारीहरुलाई कदर र सम्मान पत्रका साथ दोसल्ला र फूलमाला सहित अबिर लगाएर सम्मान गरिएको विद्यालयका शिक्षक लबदेव अवस्थीले जानकारी दिए ।
विद्यालयको सर्वाङ्गणिय विकासका लागि योगदना गर्नेहरु शिक्षक, कर्मचारी र अभिभाक सम्मानित भएका उनले बताए । २०२२ सालमा स्थापना भएको सिगास माविमा कक्षा १२ सम्मको पढाइ हुन्छ । विद्यालयमा २६ जना शिक्षक कर्मचारी र करिब ५ सय विद्यार्थी अध्यानरत रहेका शिक्षक अवस्थीले बताए ।
विद्यालय व्यवस्थापन समिति अध्यक्ष डम्बर दत्त पन्तको सभाध्यक्षतामा सम्पन्न वार्षिकोत्सव कार्यक्रममा बैतडीबाट निर्वाचित संघीय सांसद दामोदर भण्डारी प्रमुख आतिथि रहेका थिए ।
कार्यक्रममा बैतडीको प्रदेश सभा क बाट निर्वाचित प्रदेश सभा सदस्य सुरेन्द्र बहादुर पाल, पाटन नगरपालिकाका प्रमुख गौरि सिंह रावल, जनप्रतिनिधि, पत्रकार, शिक्षक, विद्यार्थी र अभिभावकहरुको सहभागिता रहेको थियो ।
यस्तै कार्यक्रममा मंसिर ४ मा सम्पन्न संसदीय चुनावमा प्रधानमन्त्री शेर बहादुर देउवाका प्रतिस्पर्धि सागर ढकालको पनि सहभागिता रहेको थियो ।
