बैतडी- बैतडीको शिवनाथ गाउँपालिकाले अपाङ्गता परिचय पत्र वितरण गरिहेको छ । परिचयपत्र अभावमा राज्यले प्रदान गर्ने सेवाबाट बञ्चित भएकाहरुलाई सेवा प्रवाह गर्न पालिकाले बाँकी रहेका अपाङ्गता भएका व्यक्तिहरुलाई परिचय पत्र वितरण गरिहेको हो ।
जिल्ला अस्पतालको प्राविधिक सहयोगमा गाउँपालिकाले अपाङ्गता परिचय पत्र पाउन बाँकी रहेका ४० जनाको विवरण संकलन गरिसकेको शिवनाथ गाउँपालिकाका सूचना तथा सञ्चार प्रविधिअधिकृत महेश सिंह महताले जानकारी दिए ।
उनका अनुसार (क) वर्गका अपांगता परिचयपत्रका लागि ६ जना महिला र २ जना पुरुष गरि ८ जनाको विवरण संकलन गरिएको छ । यस्तै (ख) वर्गको अपाङ्गता परिचय पत्रका लागि ७ महिला ४ पुरुष गरि ११ ,(ग) वर्गका लागि ७ महिला ८ पुरुष गरि १५ ,(घ) वर्गको परिचय पत्रका लागि ४ महिला २ पुरुष गरि ६ जनाको विवरण संकलन गरिएको गाउँपालिकाले जनाएको छ ।
उनिहरुलाई सेवा प्रदान गर्न विवरण संकलन गरिएको र छिट्टै आपाँङ्गता परिचयपत्र वितरण गरिने गाउँपालिकाले जनाएको छ ।
