बैतडी - नेपाल कम्युनिष्ट पार्टि नेकपा माओवादी केन्द्र बैतडीले भेटघाट तथा संगठन सुदृढीकरण अभियान सञ्चालन गरेको छ । पार्टिलाई बलियो बनाउन यहि फागुन २२ गतेबाट नेकपा माओवादी केन्द्र बैतडीले भेटघाट तथा संगठन सुदृढीकरण अभियान सञ्चालन गरेको हो ।
फागुन २० र २१ गते जिल्ला कमिटि बैठक बसेर निर्णय पछि अहिले पालिका तथा वडा तहमा भेटघाट कार्यक्रम सञ्चालन भएको माओवादी केन्द्रकी नेतृ स्वेता भट्ट (साहारा)ले जानकारी दिइन् । उनका अनुसार २० र २१ गते बसेको जिल्ला कमिटि बैठकले भेटघाट तथा प्रशिक्षण अभियानका लागि पुर्चौडी नगरपालिका, दोगडाकेदार गाउँपालिका र डिलाशैनी गाउँपालिकामा पार्टि प्रदेश उपाध्यक्ष रण बहादुर कुँवरलाई जिम्मेवारी दिइएको छ ।
यस्तै जिल्ला समन्वय समिति संयोजक शंकर भण्डारीलाई सुर्नया गाउँपालिका, पाटन नगरपालिका र सिगास गाउँपालिकाको जिम्मेवारी दिइएको छ । यस्तै प्रदेश कमिटि सचिवालय सदस्य प्रेम प्रकाश भट्ट (आदित्यलाई) मेलौली नगरपालिका, पञ्चेश्वर गाउँपालिका र शिवनाथ गाउँपालिकाको जिम्मेवारी दिइएको छ ।
कार्यक्रम अन्तरगत अगुवा कार्यकता संग भेटघाट, पालिका स्तरिय कमिटि गठन तथा पुर्नगठनको काम भइरहेको माओवादी केन्द्रकी नेतृ साहाराले बताइन् । यस्तै दशरथचन्द नगरपालिकामा केन्द्रीय कमिटि सदस्य, प्रदेश कमिटि सदस्य र जिल्ला कमिटि गरि सबैको सहभागितामा कार्यक्रम गरिने उनको भनाई छ ।
संगठन सुदृढीकरण गर्ने उद्देश्यका साथ शुरु भएको कार्यक्रम अहिले सम्म पाँच स्थानीयतहमा सम्पन्न भइसकेको र बाँकी पािलकामा पनि छिट्टै सञ्चालन हुने बताइएको छ । पुचौडी नगरपालिका, पाटन नगरपालिका, सुर्नया गाउँपालिका, मेलौली नगरपालिका र शिवनाथ गाउँपालिकामा कार्यक्रम सम्पन्न भइसकेको र बाँकी पालिकामा पनि केहि दिनमै हुने बताइएको छ ।
