बैतडी-बैतडीको गाँजरी स्वास्थ्यचौकीमा दुई दिने स्वास्थ्य शिविर सञ्चालन भएको छ । जिल्लाको सिगास गाउँपालिका २ मा रहेको गाँजरी स्वास्थ्यचौकीमा आजबाट निःशुल्क स्वास्थ्य शिविर सञ्चालन भएको हो ।
जिल्ला अस्पताल बैतडीको आयोजनामा विशेषज्ञ सेवा सहितको स्वास्थ्य गाउँघर चिकित्सक कार्यक्रम अन्तरर्गत निशुल्क स्वास्थ्य शिविर सञ्चालन भएको गाजरी स्वास्थ्यचौकीका इन्चार्ज जनकसिंह धामीले जानकारी दिए । दुर्गम क्षेत्रका नागरिकलाई विशेषज्ञ स्वास्थ्य सेवा प्रदान गर्नको लागिशिविर सञ्चालन गरिएको उनले बताए ।
आज र भोलि लाग्ने शिविरमा विशेषज्ञ डाक्टरबाट हाडजोर्नी सेवा दन्त रोग सेवा, नाक ,कान, घाँटीको उपचार, बाल रोग सेवा लगायतका स्वास्थ्य सेवा प्रदान गरिने जिल्ला अस्पताल बैतडीले जनाएको छ । यसअघि जिल्लाको पञ्चेश्वर गाउँपालिकामा गाउँघर चिकित्सक कार्यक्रम अन्तरर्गत निशुल्क स्वास्थ्य शिविर सञ्चालन सञ्चालन भएको थियो ।
