बैतडी- बैतडीको सेटिगाउँ बहुमुखि क्याम्पसमा  लागेको तालाबन्दी खुलेको छ ।  क्याम्पस प्रशासनले  स्ववियु निर्वाचन विपरित गएर निर्णय गरेको भन्दै एमाले निकट विद्यार्थी संगठन अनेरास्ववियु र नेकपा माओवादी निकट विद्यार्थी संगठन अखिलक्रान्तिकारीले  बिहीवार क्याम्पसमा ताला लगाएको थियो। विद्यार्र्थी  संगठनले  राखेका माग सम्बोधन पछि आज ताला खुलेको हो । 

आज  क्याम्पस प्रशासन र निर्वाचन मण्डल, विद्यार्थी संगठन विच भएको  छलफलमा भर्नाभएका सबै विद्यार्थीलाई चुनावमा सहभागि गराउने सहमति भएपछि ताला खोलिएको अखिल क्रान्तिकारीका सेटिगाउँ क्याम्पस कमिटिका कार्यबाहक अध्यक्ष आशिष मालले  बताए । क्याम्पस प्रशासने  गलत निर्णय गरेको भन्दै हिजो  निर्वाचन अधिकृतको कार्यालयमा  तालाबन्दी  गरिएको थियो । 

त्रिभुवन विश्व बिधालयको निर्देशिका विपरित  नियमित रुपमा क्याम्पसमा आउने विद्यार्थीहरुलाइ  निर्वाचनमा सामेल हुन नपाउने र आफ्नो मत खसाल्न नपाउने गरि गरिएको षड्यन्त्र मान्य नहुने भन्दै विद्यार्थी  संगठन विरोधमा उत्रिएका थिए ।  चैत्र ५ गते देश भरिका त्रीबि अन्तर्गतका क्याम्पसहरुमा निर्वाचन हुँदै छ ।

सोहि कार्यातालिका अनुसार सेटिगाउँ बहुमुखी क्याम्पसमा  पनि चुनाव हुन लागेको हो । सेटिगाउँ बहुमुखी क्याम्पसका १ सय ७० जना विद्यार्र्थी  मतदानमा सहभागि हुने बताइएको  छ ।