बैतडी- नेपाली काँग्रेस निकट विद्यार्थी संगठन नेपाल विद्यार्थी संगठन नेवि संघले बैतडीको पुर्चौडी बहुमुखी क्याम्पसमा तालाबन्दी गरेको छ । स्वतन्त्र विद्यार्थी युनियनको निर्वाचन प्रकृयामा मनोमानि भएको भन्दै नेवि संघले अधिकृतको कार्यालयमा तालाबन्दी गरेको हो ।
निर्वाचन अधिकृतको कार्यालयले नेवि संघलाई डरत्रास देखाई निर्वाचन तालिका परिवर्तन गरेको नेवि संघको आरोप छ । चैत ५मा हुने स्ववियु निर्वाचन कार्यतालिका अनुसार अगाडी नबढेको नेवि संघको आरोप रहेको हो । यस्तै नेवि संघका उम्मेदवार माथी अन्य संगठनका विद्यार्थीहरुले डरत्रास देखाएर हातपात र गालिग्लौज समेत गरेको जनाएको छ ।
कार्यतालिका बजोजिम स्ववियु निर्वाचन अगाडी नबढेसम्म तालाबन्दी नखुल्ने नेवि संघले जनाएको छ । प्रेस विज्ञप्ती जारी गरेर नेवि संघले निर्वाचन प्रकृया मनोमानि ढंगले अगाडी बढेको भन्दै आपत्ती जनाएको हो । शनिबार बैतडीका त्रिवि अन्तर्गतका क्याम्पसमा पनि स्ववियु निर्वाचनका लागि उम्मेदवारी दर्ता भएको छ ।
अनेरास्ववियु लगायतका संगठनको तालाबन्दीप्रति आपत्ती
यस्तै अनेरास्ववियु लगायतका विद्यार्थी संगठनहरुले तालाबन्दी गर्नेलाई कारबाहीको माग गरेको छ । हार निश्चित देखेपछि स्ववियु निर्वाचन लाई भाड्न खोज्नेलाई माग गरिएको हो । आफ्नो हार निश्चित देखेपछि स्ववियु निर्वाचन लाई भाड्न खोज्ने क्यामपस हाताभित्र दादागिरी गर्ने अराजकहरुलाई कारबाही गर्न माग गदाछौँः अनेरास्ववियु , अनेरास्ववियु क्रान्तिकारी, अखिल क्रान्तिकारी विप्लवद्वारा जारी संयुक्त प्रेस विज्ञप्तीमा भनिएको छ ।
अनेरास्ववियुका नेता स्ववियु निर्वाचन समिति सह संयोजक करन कुँवर लगायतका विद्यार्थी नेताहरु माथि हातपात गरि गरि उल्टै निर्वाचन अधिकृतको कार्यालयमा तालाबन्दी गरिएको भन्दै तीन ओटै संगठनले घटनको निन्दा गरेका छन् ।
