Sagun Khabar
बैतडीका ललित भारतको दिल्लीमा अस्ताए, घरपरिवारमा रुवाबासी 

बैतडी–बैतडीका एक युवकको भारतको दिल्लीमा सडक दुर्घटनामा परी मृत्यु भएको छ । जिल्लाको दशरथचन्द नगरपालिका–९ ग्वाल्लेक घर भएका ३३ बर्षीय ललितप्रसाद जोशीको सडक दुर्घटनमा परेर सोमबार बिहान दिल्लीमा मृत्यु भएको दशरथचन्द नगरपालिका वडा नं ९ का वडा अध्यक्ष मोहनदेव जोशीले बताए । 

विगत १२ बर्षदेखि दिल्लीको एक कम्पनीमा मेनेजरको रुपमा काम गर्दै आएका जोशी स्कुटरमा सवार रहेको बेला दुर्घटना परेका हुन् । साथीले चलाएको स्कुटर दुर्घटना हुँदा उनी सडकमा लडेका र सडकमा गुडीरहेका ट्रकले किच्दा उनको घटनास्थलमै मृत्यु भएको जोशीले बताए । 

जोशीको घरमा श्रीमती, एक छोरा र एक छोरी रहेका छन् । यस्तै बुढेसकालका आमाबुवा र दुईभाइ रहेका छन् । 

Atrya hospital

जोशीको दिल्लीमा निधन भएपछि घरपरिवार र गाउँ शोकमा डुबेको वडा अध्यक्ष जोशीले बताए । पैसा कमाउनका लागि गएका जोशीको भारतमै निधन भएपछि घरपरिवार सम्हालिन गाह्रो भएको उनले बताए । 
 

प्रकाशित मिति: मंगलबार, मंसिर १२, २०८०  ०९:१२
प्रतिक्रिया दिनुहोस्
Weather Update