बैतडी- बैतडीको मानसखण्ड साहित्यिक मञ्च पुर्चौडीले स्मारिका निकाल्ने भएको  छ । मानसखण्ड साहित्य मञ्च पुर्चौडी हाटले  नयाँ वर्षको उपलक्ष्यमा मानसखण्ड स्मारिक २०८१ नामक पुस्तिका निकाल्ने  भएको  हो ।

यहाँको  शिक्षा,कला, संस्कृति,धार्मीक ,आध्यात्मिक क्षेत्रको इतिहासको बारेमा पुस्तिका निकाल्ने तयारी थालिएको मानसखण्ड साहित्यिक  मञ्च पुर्चौडीका उपाध्यक्ष दिनेश नागारीले जानकारी दिए । पुस्तिकाका लागि यो क्षेत्रका सम्पूर्ण  जानकारहरुलाई वास्तविक यर्थात र वस्तुगत लेख रचनाहरु लेखेर पठाउन अनुरोध गरिएको  उनले  बताए ।

एक सूचना प्रकाशन गरेर जानकार व्यक्तिहरुलाई  लेख रचना लेखी पठाउन अनुरोध गरिएको  उनले  बताए । लेख रचनाहरु चैत्र १५ गते  भित्र लेखेर पठाइ सक्नु पर्ने छ । पुस्तिकामा कुनै  व्यक्तिगत, सामाजिक, राजनीतिक, तथा धार्मीक आदि क्षेत्रमा आक्षेप आउने  खालका लेख रचनाहरु समावेश नगरिने समेत सूचना मार्फत जानकारी गराइएको छ ।

यो क्षेत्रको भाषा कला, संस्कृति पहिचान गरि जगेर्ना गर्ने  उदेश्यले स्थापना गरिएको मानसखण्ड साहित्यिक  मञ्च पुर्चौडीले अहिले सदस्या नविकरणका साथै  कार्यालय व्यवस्थापन समेत गरिरााखेका  उपाध्यक्ष नगारीले बताए ।