बैतडी- बैतडीमा देउडा प्रतियोगिता हुने भएको छ । जिल्लाको मेलौली नगरपालिकाले नारी दिवसको अवसरमा महिला देउडा प्रतियोगिता गर्ने भएको हो । मेलौली नगरपालिकाले अन्तराष्ट्रिय नारी दिवसको अवसर पारेर यहि फागुन २४ गते देउडा प्रतियोगिता हुने जनाइएको हो ।
महिला अधिकार तथा महिला हिंसा न्यूनिकरण सम्बन्धि एकदिने देउडा प्रतियोगिता हुने मेलौली नगरपालिकाकी महिला विकास निरीक्षक लक्ष्मी भट्टले जानकारी दिइन् । मेलौली नगरपालिकामा हुने प्रतियोगितामा सहभागि हुन चाहनेले यहि फागुन २३ गतेभित्र नामदर्ता गराउनु पर्ने छ ।
प्रतियोगिताबाट प्रथम, द्धितिय र तृतीय हुने समूहलाई पुरस्कारको समेत व्यवस्था गरिएको मेलौली नगरपालिकाले जनाएको छ। यस्ता प्रतियोगिताबाट महिलाहरुलाई अधिकार बारे अवगत हुनुका साथै महिला हिंसा न्यूनिकरणमा समेत टेवा पुग्ने अपेक्षा गरिएको छ ।
महिलाहरुले नै देउडा मार्फत बोल्दा आफ्ना अधिकारका बारे थाहा हुने र यसबाट महिला हिंसामा समेत कमि आउने अपेक्षा गरिएको हो । यहि फागुन २५ गते अन्तराष्ट्रिय नारी दिवस छ । नारी दिवसको पूर्व सनध्यामा मेलौलीले देउडा प्रतियोगिता राखेको हो ।
