सेती नदीमा डुबेर एकजना बेपत्ता
डोटी– सेती नदीमा नुहाउने क्रममा एकजना डुबेर बेपत्ता भएका छन् । जिल्लाको शिखर नगरपालिका–८ लुवाखडीनजिकै नदीमा कैलालीको धनगढी उपमहानगरपालिका–३ मायामेट्रो अस्पताल पछाडि बस्ने करिब ४० वर्षीय नरबहादुर तामाङ डुबेको डोटी प्रहरीले बताएको छ ।
उनी सुदूरपश्चिम प्रदेश ०१ ००१ ज १५३४ नम्बरको अल्टो कार लिएर धनगढीबाट अछामतर्फ जाँदै थिए । कार सडक किनारमा रोकी उनी नुहाउन गएको प्रहरी नायव निरीक्षक नारायणसिंह नेगीले बताए । उनका अनुसार तामाङ बेपत्ता भएको सूचना सोही कारमा सँगै रहेका रेवन्त अधिकारीले दिएका थिए ।
प्रकाशित मिति: सोमबार, वैशाख १७, २०८१ १६:४९
प्रतिक्रिया दिनुहोस्
साताको लोकप्रीय
