बैतडी–भारतको झुलाघाटमा सम्पन्न भएको विजयज्योति इण्डो–नेपाल खुल्ला भलिबल प्रतियोगितामा बैतडीको दशरथचन्द नगरपालिकाको टीम उपविजेता बनेको छ । 

युवक मंगल दलको आयोजनामा भएको प्रतियोगितामा दनपाको टीम उपविजेता बनेको नगर खेलकुद विकास समितिका अध्यक्ष भुपेन्द्र चन्दले बताए । उपविजेता बनेको टीमले नगद ११ हजार भारुसहित ट्रफी हात पारेको अध्यक्ष चन्दले बताए । 

यस्तै उक्त प्रतियोगितामा दनपाका ऋषिकेश बोहरा उत्कृष्ट लिब्रो घोषित भएका छन् । उनले ट्रफी हात पारे । 

नेपालका चारसहित १२ ओटा टीम सहभागी रहेको प्रतियोगिताको उपाधी भारतको खटीमाले जितेको छ । उसले नगद २१ हजार भारुसहित ट्रफी हात पारेको छ ।