सुदूरपश्चिमका पूर्व मुख्यमन्त्री दीर्घबहादुर सोडारी प्रदेशसभा सदस्य पदबाट निलम्बित
कैलाली – सुदूरपश्चिम प्रदेशसभा सदस्य एवम् पूर्व मुख्यमन्त्री दीर्घबहादुर सोडारीलाई प्रदेशसभा सदस्य पदबाट निलम्बन गरिएको छ । नेकपा (एकीकृत समाजवादी) पार्टीको संसदीय दलका नेता समेत रहेका सोडारीलाई प्रदेशसभाको हिजो बसेको बैठकमा सभामुख भीमबहादुर भण्डारीले निलम्बन गरिएको व्यहोरा जानकारी गराएका थिए ।
अख्तियार दुरुपयोग अनुसन्धान आयोगबाट प्राप्त पत्र अनुसार सोडारी उपर आयोगको ऐन र भ्रष्टाचार निवारण ऐनबमोजिम मुद्दा दायर भएको भन्ने जानकारी प्राप्त भएकाले प्रदेशसभा सदस्य पदबाट निलम्बन गरिएको सभामुख भण्डारीले बताए ।
सोडारी निलम्बनमा परेसँगै प्रदेशसभामा अब एकीकृत समाजवादी पार्टीबाट तीन जना प्रदेशसभा सदस्य रहेका छन् ।
प्रकाशित मिति: मंगलबार, जेठ २७, २०८२ ०९:१४
प्रतिक्रिया दिनुहोस्
साताको लोकप्रिय
