डोटीमा अरिङ्गालको टोकाइबाट एक महिलाको मृत्यु
डोटी –डोटीमा अरिङ्गालको टोकाइबाट एक महिलाको मृत्यु भएको छ ।
जिल्लाको शिखर नगरपालिका–२, मुडेगाउँकी २२ बर्षीया मंगला पार्कीको अरिङ्गालको टोकाइबाट ज्यान गएको हो । गएको असोज ४ गते दिउँसो घाँस काट्ने क्रममा मंगलालाई अरिङ्गालले टोकेको थियो ।
सुस्त मनस्थिती भएकी मंगलालाई अरिङ्गालले टोकेको बिषयमा ढिलो जानकारी भएको र असोज १८ गते मात्रै अस्पताल पुर्याएको बताइएको छ ।
जिल्ला अस्पताल डोटीमा उनको उपचार सम्भव नभएपछि धनगढी रेफर गरिएको थियो ।
उपचारकै क्रममा मंगलाको सेती प्रादेशिक अस्पताल धनगढीमा बुधबार बिहान निधन भएको बताइएको छ । मृतक पार्कीका श्रीमान् र दुई वर्षका एक छोरा छन् ।
प्रकाशित मिति: बुधबार, असोज २२, २०८२ १४:०६
प्रतिक्रिया दिनुहोस्
साताको लोकप्रिय
