काठमाण्डौं –नेपाल प्रहरीका प्रहरी सहायक निरीक्षक (असई) पुष्कर कार्कीलाई आफ्नै चार महिनाको छोराको हत्या गरेको अभियोगमा पक्राउ गरिएको छ ।
डोटीको शिखर नगरपालिका–५ घर भएका कार्कीलाई आइतबार साँझ पक्राउ गरिएको काठमाण्डौं प्रहरी परिसरले जनाएको छ ।
प्रारम्भिक जानकारी अनुसार शिशुमा जन्मजात समस्या रहेको थियो । शिशुको उपचारका बिषयमा दम्पतीहरुबीच निरन्तर विवाद भइरहेका घटना भएको प्रहरीले जनाएको छ ।
कार्कीकी श्रीमती कृष्णा कुँवर पनि नेपाल प्रहरीमै जवानका रूपमा कार्यरत रहेकी छन् ।
घटना काठमाडौँको सिनामंगलस्थित डेरामा भएको प्रहरीले जनाएको छ । विवाद चर्किएपछि कार्कीले पत्नीलाई चोटपटक पु¥याएको र त्यसपछि चार महिनाको शिशु गम्भीर अवस्थामा भेटिएको प्रहरीले जनाएको छ । चोटपटककै कारण शिशुको मृत्यु भएको प्रहरीले जनाएको छ।
कृष्णाको महाराजगन्जस्थित नेपाल प्रहरी अस्पतालमा उपचार भइरहेको छ ।
