डोटीमा ट्याक्टर दुर्घटना हुँदा एकजनाको मृत्यु
डोटी – डोटीमा इँटा बोकेको ट्याक्टर पल्टिँदा एक जनाको मृत्यु भएको छ । आइतबार बेलुकी जिल्लाको दिपायल सिलगढी नगरपालिका–५ स्थित भित्रि सडकखण्डमा से २ त ९१०६ नम्बरको इँटा बोकेको ट्याक्टर दुर्घटना परेको हो ।
दुर्घटनामा परी आर्दश गाउँपालिका–३ का अन्दाजी २१ वर्षीय केशव विकको मृत्यु भएको प्रहरीले जनाएको छ । गम्भीर घाइते भएका विकलाई जिल्ला अस्पताल डोटीमा उपचार सम्भव नभएपछि डडेल्धुरा अस्पताल रिफर गरिएको थियो ।
उनको डडेल्धुरा अस्पतालमा उपचारका क्रममा मृत्यु भएको प्रहरीले जनाएको छ ।
प्रकाशित मिति: सोमबार, फागुन १६, २०७८ ०९:०५
प्रतिक्रिया दिनुहोस्
-1713583843.jpeg)
साताको लोकप्रीय
