बैतडी- जिल्ला अस्पताल बैतडीमा विशेषज्ञ चिकित्सक आउने भएका छन् । जिल्ला अस्पताल बैतडीमा शुक्रबार डडेल्धुराबाट विशेषज्ञ डाक्टर आउने भएका हुन् ।
भोलि जिल्ला अस्पतालमा डडेल्धुरा अस्पतालमा कार्यरत युरो सर्जन डाक्टर हेमनाथ जोशी र जनरल सर्जन डाक्टर दिवान श्रेष्ठ आउन लागेका जिल्ला अस्पताल बैतडीका प्रमुख डा. दिपेश श्रेष्ठले जानकारी दिए ।
विशेषज्ञ डाक्टरहरुबाट मृगौलाको पथ्थरी, पिसाब थैलिको समस्या, प्रोस्टेट सम्बन्धि समस्या,मुत्र प्रणाली सम्बन्धि,जनरल सर्जरी, शरिरमा गांठागुठी भएका, हर्निया, हाइड्रोसिलको समस्या भएकाले सेवा पाउने उनले बताए ।
विशेषज्ञ चिकित्सक आउन लागेको जनाउँदै जिल्ला अस्पताल बैतडीले समस्या भएकालाई सेवा लिन आग्रह गरेको छ । प्रत्येक शुक्रबार जिल्ला अस्पतालमा डडेल्धुरा अस्पतालको सहयोगमा बिशेषज्ञ डाक्टरले सेवा दिँदै आएका छन् ।
