बैतडी- जिल्ला प्रशासन कार्यालय बैतडीमा दरबन्दी अनुसारका कर्मचारी अभाव हुँदा समस्या भएको छ ।  विगत लामो  समय देखि जिल्ला प्रशासन कार्यालय बैतडीमा कर्मचारी अभाव हुँदा सेवा सम्पादनमा समस्या भएको हो ।

कर्मचारी अभाव हुँदा कार्य सम्पादनमा समस्या भएको  जिल्ला  प्रशान कार्यालय बैतडीको प्रशासकीय अधिकृत एवं सूचना अधिकारी शंकर  बहादु र बोहराले जानकारी दिए । कार्यालय सहयोगि गरि २३ जनाको दरबन्दी रहेको जिल्ला प्रशासनमा सहकाय प्रमुख जिल्ला अधिकारी र प्रमुख प्रशासकीय अधिकृत नहुँदा कार्य सम्पादनमा समस्या भएको उनले बताए । प्रशासन कार्यालयमा कामको चाप हुने  भएकाले  सेवा प्रवाहमा समस्या  हुने गरेको उनले  बताए ।

दुई जना प्रशासकीय अधिकृतको दरबन्दी  रहेकोमा आफु मात्रै भएकाले समस्या भएको उनको भनाई छ । प्रशासकीय अधिकृत बोहराका अनुसार एक जना उप सचिवको दरबन्दी खालि छ भने अन्य  कर्मचारी पनि अभाव रहको छ । प्रशासनमा उपसचिप र अफिसर नहुुँदा बजार अनुगमन लगायतका कामकाज गर्न  समस्या हुने गरेको  छ ।

 कर्मचारी अभावमा हुलाक र मालपोत कार्यालबाट काजमा कर्मचारी  लिएर काम भइरहेपनि समस्या भएको बताइएको  छ । बैतडीका  स्थानीयतहमा पनि कर्मचारी  नहुँदा समस्या छ भने यहाँका कार्यालयहरुमा पनि दरबन्दी अनुसारका कर्मचारी अभावले  काम कारबाही गर्न  समस्या भइरहेको  हो ।