बैतडी- बैतडीको  मेलौली नगरपालिका २ स्थित धर्मघर मावि सलेनाको ७३ औँ वार्षिकोत्सव सम्पन्न भएको छ । शुक्रबार विभिन्न साँस्कृतिका कार्यक्रमका साथ विद्यालयको  ७३ औँ वार्षिकोत्सव सम्पन्न भएको  शिक्षक हरिश नायकले  जानकारी दिए ।

नगर प्रमुख भिम बहादुर चन्दको प्रमुख आतिथ्यतामा वार्षिकोत्सव कार्यक्रम सम्पन्न भएको  उनले  बताए ।  विविध साँस्कृतिक कार्यक्रम गरेर सम्पन्न उक्त वार्षिकोत्सव कार्यक्रममा प्रधानाध्यापक राम बहादुर  चन्दले विद्यालयको  आर्थिक प्रतिवेदन प्रस्तुत गरेका थिए ।

आर्थिक प्रतिवेदन प्रस्तुत गर्दै प्रधानाध्यापक चन्दले गत वर्ष विद्यालयको  कुल आम्दानी १ करोड ४९ लाख ७८ हजार  ८ सय ४१, खर्च १ करोड२५ लाख ६८ हजार २ सय ५४ र  बचत २० लाख १० हजार  ५ सय ७ रहेको बताएका छन् । यस्तै  वार्षिकोत्सव कार्यक्रमा उत्कृष्ट विद्यार्थीहरुलाई  पुरस्कार समेत  वितरण गरिएको  छ ।

वार्षिकोत्सवको उपलक्ष्यमा आयोजित विभिन्न कार्यक्रमका विजेता तथा  पढाइमा उत्कृष्ट विद्यार्थीहरुलाई पुरस्कार वितरण गरिएको  शिक्षक नायकले  बताए । कार्यक्रममा बोल्दै नगरप्रमुख चन्दले विद्यालयको सर्वाङगिण विकासका लागि प्रतिवद्ध रहेको  बताएका छन् ।

उनले विद्यालयको  भौतिक विकास तथा तथा  शैक्षिक गुणस्तर सुधारका लागि आफु प्रतिवद्ध रहेको बताएका हुन्  । विद्यालय व्यवस्थापन समिति  अध्यक्ष राजिब भट्टको  सभाध्यक्षतामा सम्पन्न  वार्षिकोत्सव कार्यक्रममा जनप्रतिनिधि ,विभिन्नराजनीतिक दलका प्रतिनिधि, शिक्षक विद्यार्थी, अभिभावक तथा सर्वसाधारण नागरिकहरुको सहभागिता रहेको थियो ।