डोटीमा जिप दुर्घटना हुँदा चालक सहित दुईजनाको मृत्यु, ६ जना घाइते
डोटी – डोटीमा जिप दुर्घटना हुँदा २ जनाको मृत्यु भएको छ । जिल्लाको केआईसिंह गाउँपालिका –१ लोलीमा जिप दुर्घटनामा परेको हो । दुर्घटनामा परी ६ जना घाइते भएका छन् ।
केआईसिंह–१ महादेवका ३६ वर्षका चालक गोविन्द शाही र केआईसिंह–२ जारिमभाडीका ४१ वर्षका धनबहादुर तिरुवाको दुर्घटनामा मृत्यु भएको जिल्ला प्रहरी कार्यालय डोटीले जनाएको छ ।
दुर्घटनामा केआईसिंह गाउँपालिका डुम्राकोटका २७ वर्षीय तेज तिरुवा, उनकी श्रीमती २६ वर्षीया राधा तिरुवा, समिर तिरुवा, सुरज तिरुवा, लक्ष्मी तिरुवा र मिन लुहार घाइते भएका छन् । घाइतेको दिपायल राजपुरमा रहेको सुजङ अस्पतालमा उपचार भइरहेको जिल्ला प्रहरी कार्यालय डोटीका निरीक्षक लक्ष्मीराज जोशीले जानकारी दिए ।
दिपायलबाट घाँटलायाका लागि छुटेको सु.प.प्र.०१२३००१ च ३३२९ नम्बरको जिप लोलीमा गएराति दुर्घटना भएको हो ।
प्रकाशित मिति: शनिबार, फागुन ६, २०७९ ०७:३२
प्रतिक्रिया दिनुहोस्
-1713583843.jpeg)
साताको लोकप्रीय
