बैतडी- बैतडीका ४७० घर परिवार  भाडामा बसेका  पाइएको  छ । राष्ट्रिय जनगणना २०७८ को नतिजा अनुसार  जिल्लामा जम्मा परिवार संख्या ४९ हजार ४ सय ७ रहेको छ । त्यस मध्ये ४७० घर परिवार भाडामा बस्ने  गरेको  पाइएको हो । यस्तै  आफनै घर भएका परिवार  संख्या ४८ हजार ४ सय २८ छन । ४ सय ७० जना संग  आफनै  घर नभएको  तथ्याँकले  देखाएको  छ ।

 यस्तै ११५ संस्थागत र अन्य  १०४ छन् । यस्तै बैतडीका दुई हजार बढी महिलाको नाममा घर र जग्गा रहेको पाइएको छ । राष्ट्रिय जनगणना–२०७८ को नतिजा अनुसार दुई हजार ५८ जना  महिलामा घर र जग्गाको स्वामित्व रहेको पाइएको  हो । त्यस्तै जग्गा मात्रै  रहेका महिलाको सङख्या ७ सय ८४ छ  भने १ सय ३७ जना महिलाको नाममा घर रहेको छ ।

 यस्तै बैतडीमा घर जग्गा दुवै नाममा नभएका महिलाको  संख्या ४६ हजार १ सय  ५९ रहेको छ भने उल्लेख नभएका ११ सय ९० रहेका छन् । राष्ट्रिय जनगणना २०७८ को  नतिजा अनुसार बैतडीको कुल जनसंख्या २ लाख ४२ हजार १५७ रहेको छ । जसमध्ये १लाख १३हजार ८६४ पुरुष र  १ लाख २८हजार २९३ महिला छन् ।