बैतडीको ढोलेमा एनआइएमबीको शाखारहित बैंकिङ सेवा शुरु
बैतडी –बैतडीको सुर्नया गाउँपालिका वडा नं ८ ढोलेमा नेपाल इन्भेष्टमेन्ट मेगा बैंक लिमिटेड (एनआइएमबी)को शाखारहित बैंकिङ सेवा शुरु भएको छ । मंगलबार एक कार्यक्रमकाबीच शाखारहित बैंकिङ सेवाको उद्दघाटन गरिएको हो ।
गाउँघरमै बैंकिङ सेवा दिने उद्देश्यले ढोलेमा शाखारहित बैंकिङ सेवा शुरु गरिएको नेपाल इन्भेष्टमेन्ट मेगा बैंक लिमिटेड सतबाँझ शाखाका प्रबन्धक गोविन्द बिष्टले बताए ।
शाखारहित बैंकिङ सेवाबाट खाता खोल्न सकिने, नगद जमा गर्न सकिने, नगद झिक्न सकिने, रेमिट्यान्स लगायतका सेवाहरु प्रदान गरिने बताइएको छ । शाखारहित बैंकिङ सेवाले स्थानीय नागरिकलाई सहज हुने सुर्नया गाउँपालिका वडा नं ८ का वडा अध्यक्ष भानबहादुर बोहराले बताए ।
प्रकाशित मिति: मंगलबार, चैत १४, २०७९ १४:१६
प्रतिक्रिया दिनुहोस्
थप बैतडी
साताको लोकप्रिय
