बैतडी- बैतडीमा च्याउ खेती सम्बन्धि  तालिम दिइएको छ । जिल्लाको  दशरथचन्द नगरपालिका ४मा कृषकहरुलाई च्याउ खेती प्रविधी सम्बन्धि  तालिम दिइएको हो ।

कृषि ज्ञान केन्द्रको आर्थिक सहयोग तथा दशरथचन्द नगरपालिका कृषि शाखाको प्राविधिक सहयोगमा महिलाहरुलाई तालिम दिइएको   दशरथचन्द नगरपालिकाका कृषि अधिकृत दिपक कार्कीले जानकारी दिए । गतिशील घरायसी खाद्यान्न उत्पादन महिला कृषि समूहमा आयोजना गरिएको तालिममा च्याउखेती गर्ने   तरिका र  विधिका साथै  आवश्यक सरसल्लाह प्रदान गरिएको उनले  बताए ।

१७ जनाको सहभागीता रहेको  तालिममा  सहभागीहरुलाई च्याउको बिउ, प्लाष्टीक र पानी छर्कने हजारी पनि वितरण गरिएको छ ।   च्याउखेती तर्फ कृषकको  अर्कषण बढेपनि आवश्यक तालिम र प्राविधिक सरसल्लाहले समस्या भइरहेका बेला यो तालिमबाट सहज हुने  अपेक्षा गरिएको  छ । तालिमबाट किसानहरुलाई  च्याउखेती  गर्न  सहज हुने  दशरथचन्द नगरपालिका कृषी अधिकृत कार्कीले  बताए ।